كوكتيل قصص
Founder
من فترة صغير كنت مع واحد صاحبي عزيز عليا ، فتحنا موضوع ليه ساعات بنلاقي البنات بتتعصب من غير أي مبرر وحاطينا احتمالات كتيرة ، ومن ضمن الاحتمالات قولنا هرمونات ، وحطيت الموضوع في كراسة أفكاري وقولت لازم أعمل عنه موضوع قريب وأعرف السبب وأفيد وأستفيد (قراءة ممتعة) .
ما سر التقلبات المزاجية عند البنات
من أول نقطة في عملية "الطمث" ممكن تظهر في ساعة البلوغ ومن قبل ما البنت تعرف ايه اللي بيحصلها أصلا ، بتكون الهرمونات هنا هي اللي مسيطرة عليها وللأسف احنا دايمًا بنتريق على الموضوع دا كل ما نشوف بنت بتتعصب من اققل حاجة ، وبنقول يعم سيبك منها دي هرمونات بس فعلًا الهرمونات بتكون السبب الرئيسي في أي حاجة بتحصلها . وبتكون مسؤولة عن أي تصرف بيطلع منها والمسؤول الرئيسي عن كل الفوضى اللي بتحصلها دي حاجة اسمها "اســتــروجــيــن" فيا ترى هو لي بيعمل كدا .
هرمون "الاســتــروجــيــن" دا بقى هو واحد من أهم هرمونين موجودين جوا جسم المرأة ، والهرمون التاني بقى اسمه "بروجسترون" ودا هنتكلم عنه في مقالة لوحدها هرمون الاستروجين هنا بينقل الرسايل الفسيولوجية لمختلف أعضاء وأنظمة الجسم ، دا غير إنه مهم في عمليات التطور الج ــ N ــ س ــي والانجابي عند الستات .
هرمون الاستروجين في منه 3 أنواع اساسيين أول نوع هو
- E1 estorn
- E2 estradiol
- E3 estriol
هنا بقى الاستراديول أو Estradiol بيكون متواجد بشكل كبير خلال سنوات الإنجاب أما الايستورن أو Estorn هو اللي بيكون موجود بشكل كبير وقت ما يحصل انقطاع الطمث او اللي الجسم بيبدأ ينتجه مع توقف الدورة الشهرية ، يعني تقريبًا بيتم انتاجه عند سن اليائس . أما بقى الاستريول هو اللي بيكون موجود أثناء فترة الحمل فبيساعد الرحم على النمو وبيجهز الجسم للولادة ، مستوياته بتوصل لزروتها قبل الولادة على طول .
الاستريول - Estriol كمان بيكون متواجد بشكل كبير جدًا بالمقارنة مع النوعين التانيين بالرغم إن هو أضعفهم ، هرمون الاستروجين بشكل عام بيكون مسؤول عن الصفات الجسدية للأنثى ، ممكن تتفاجئ لو قلت إن الرجالة هما كمان عندهم استروجين بس الفرق هنا في الكمية لإن الكمية الموجودة في جسم الرجالة أققل بكتير جدًا من اللي موجودة في البنات والستات .
طيب هو الاستروجين دا بيطلع منين ؟
المصدر الرئيسي للاستروجين عند الستات هو المبيضين ، طبعًا هما اللي بينتجوا البويضات عند الستات الاستروجين ، كمان ممكن يتم افرزه من( الغدد فوق الكلوية )أو ( الغدة الكظرية ) ، وأول ما بيطلع يجري في الدم على طول وبيروح يشتغل في كل مكان في جسم الأنثى .
وظيفة الاستروجين
تأثيره على المبيضين ، بيحفز نمو حاجة اسمها جريب المبيض ، أما بالنسبة للمهبل فهو بيحافظ على سُمك المهبل ، طيب والرحم هتلاقي أنه بيعزز ويحافظ على الغشاء المخاطي اللي بيبطن جدار الرحم دا ، غير إنه بينظم تدفق وسماكة افرازات الرحم ، يعني مثلًا عندك الاستروجين بيبعت رسائل للرحم عشان يعمل بطانة جديدة بدل البطانة اللي باظت في آخر الدورة الشهرية اللي الست مرت بيها ، طيب بالنسبة للثديين أول حاجة بيكون أنسجة الثدي ، وبيساعد في إن الحليب يتوقف بعد ما يحصل فطام للطفل .
ايه أهمية الاستروجين
الاستروجين مهم لإنه بكل بساطة بيساعد الست فكل التغيرات اللي بتحصل جوا جسمها ، فبيحولها من مجرد فتاة لامرأة ، وبتبدأ معاها من أول سن البلوغ التغيرات دي وطبعًا هتشمل حاجات كتير اللي منها نمو الثديين ونمو شعر الإبط والعانة وبداية أول دورة شهرية ، دا غير إنه المتحكم في الدورة الشهرية ومهم جدًا للإنجاب وله تأثير على المسالك البولية والقلب والأوعية الدموية والجهاز التناسلي للأنثى بشكل عام .
وليه كمان وظائف تانية زي إنه بيسيطر على مستوى الكوليسترول في الدم وبيحمي كمان صحة العظام عند الرجالة والستات ، وبرضوا بيكون ليه تأثير على الحالة المزاجية للأنثى وبيكون ليه تأثير على جلد الأنثى والأنسجة جوا الجسم ، فوقت الحمل بتبقى مستويات الاستروجين خلال الأشهر التلاتة الأولى ممكن تكون هي السبب في الغثيان اللي انتي بتحسي بيه وفي خلال الثُلث التاني من الحمل بيكون ليه دور كبير جدًا في تطوير قنوات الحليب اللي بتخلي الثدي ساعتها يبان بشكل أكبر .
يعني الاستروجين بيتم انتاجه دائمًا في بداية الحمل ، عشان يبدأ يدعم الطفل لحد ما المشيمة تبدأ تاخد دورها ، فهيساعد الطفل إن أعضائه تبدأ في النمو وبالرغم من كدا هو برضوا اللي بيخلي الست تحس بغثيان وبيخلي الأربطة عندها برضوا لينة أكتر ، فبالتالي ممكن يضغط على أسفل الضهر والحوض ، فبعدها بفترة بنلاقي جسم الأنثى بيبدأ يحضر نفسه للرضاعة الطبيعية .
فبنلاقي إن كل دا بيكون بسبب هرمون انتظام الدورة الشهرية ممكن يكون متعب للبنات كل شهر ، بس في نفس الوقت بيكون علامة كويسة وايجابية على صحتك كبنت ، الاستروجين بقى كل شهر بيجهز بطانة الرحم استعداد للحمل بس ممكن وقتها ما يحصلش حمل ، طب ايه اللي بيحصل هنلاقي هنا بقى إنه زي ما بيبني بطانة الرحم دي هو كمان اللي هيهدها ، فبيتخلص منها ويظهرلنا على شكل نزيف .
دا غير إنه بيكون متحكم في الحالة المزاجية للأنثى بشكل كبير لإنه بيعزز من انتاج السيروتونين في الدماغ ، يعني هيعمل توازن في الحالة المزاجية في الدماغ فعلشان كدا أول ما نسبة الاستروجين بتقل بنبدأ نلاقي ظهور أعراض الخنقة والتعب النفسي ، ودا بيحصل كمان في فترات ما بعد الولادة وسن اليأس .
ازاي نقيس مستوى الاستروجين عند البنات
هنحتاج عينة دم أو عينة بول عشان نعمل اختبار نسبة الاستروجين جواهم ، طيب لو النسبة طلعت قليلة ، فأكتر سبب لإنخفاض نسبة الاستروجين عند الستات هو إن الدورة الشهرية بتكون وقفت أو حصل مثلًا استئصال جراحي للمبايض ، وقتها هنشوف شوية أعراض ممكن تحصل لما مستوى الاستروجين يقل ، زي إن فترات الحيض بتكون أققل من الأول بكتير ، هنلاقيها بتحس فجأة بضيق نفس شديد ، دا لإن الدم أحيانًا بيندفع على سطح البشرة فبيديها احساس بالسخونية والدفا ، أو هنلاقيها أو ما تصحى من النوم بتبدأ تعرق بشكل كبير ، دا غير تقلبات المزاج الحزن الشديد القلق الغير عادي ، وبعدها ممكن تصاب بشوية احباط .
فطبعًا كل دا هيوصلها لمشاكل كتيرة في النوم ودا اللي هيخلي مزاجها طول اليوم مش كويس وحاسة بصداع مستمر ، وهيحصلها كمان جفاف في المهبل وهو دا اللي ممكن يسببلها ألم أثناء علاقتها مع زوجها ، دا غير إنه هيبقى عندها انخفاض شديد في الرغبة ال ــ ج ــ N ــ س ــ ي ــ ة .
انتقل للصفحة التالية عن طريق الضغط على زر التالي .
↚
طب هل في مخاطر صحية لو نسبته قلت عند الستات
أول حاجة بيحصل هشاشة في العظام لإن الاستروجين بيساعد في الحفاظ على العظام ، عن طريق إنه بيمنع فقد الكالسيوم ، طيب لو الاستروجين قل يبقى الكالسيوم قل ، ممكن الست هنا تتعرض لخطر الإصابة بكسر في العمود الفقري أو كسر في باقي عظام الجسم
طب يا ترى مين أكتر الستات اللي بتكون عرضه لكدا ، الستات اللي بتشرب الكحوليات بشكل منتظم او اللي بيدخنوا ، الستات اللي مثلًا بيكونوا رفيعين شوية واللي عندهم تاريخ عائلي بالإصابة بهشاشة العظام ، وبيحصل كمان عند الستات اللي سنهم فوق 40 سنة في فترة ما قبل انقطاع الطمث ، لإن الجسم هيستمر في انتاج استروجين وكل فترة النسبة هتقل وتتباطئ لحد ما توصل لسن اليأس .
والجسم بعدها بيتوقف تمامًا عن انتاج الاستروجين ، غير كدا كمان لما نسبة الاستروجين بتقل في الجسم بنلاقي السنات أكثر عرضه للإصابة بأمراض القلب ، ودا بيحصل عن طريق ارتفاع نسبة الكوليسترول الكويس في الدم ، فبعد الدورة الشهرية متنقطع تمامًا هيزيد خطر الإصابة بأمراض القلب بشكل كبير جدًا .
طيب العلاج هنا بقى هيكون بالهرمونات البديلة ، العلاج بالهرومونات البديلة بيقلل بعض أعراض انقطاع الطمث ، لإن العلاج هنا بيكون عبارة عن هرمون البروجسترون والاستروجين ، فالعلاج التعويضي ممكن يساعد الست انها تقي نفسها من هشاشة العظام ، بس ممكن يزود خطر الإصابة بحاجات تانية زي أمراض القلب وسرطان الثدي والجلطات الدموية والسكتات الدماغية ، يعني من الآخر كدا مش كل الستات بتكون محتاجة لعلاج تعويضي لهرمونات يعني لازم الست الأول تتكلم مع الدكتور بتاعها عشان تعرف هل الموضوع دا ممكن يكون مناسب لحالتها ولا لأ .
وقبل متاخد أي حاجة لازم الأول تسأل عن الأعراض يعني تسأل عن المخاطر الصحية اللي ممكن تحصلها لو خددت حاجة زي دي من نفسها ، فالعلاج هنا ممكن يكون طويل الأمد ، حتى بعد ما المستوى يرجع طبيعي زي ما كان بس الفرق هنا إن العلاج هيكون بنسبة مختلفة عن بداية العلاج ، طيب احنا لحد دلوقتي اتكلمنا عن المخاطر الصحية اللي ممكن تحصل للستات لو نسبة الاستروجين قلت في جسمهم ، طب لو زادت بقى ...