شاب اسمه زين درويش يحكي عن نفسه انه مشروع صحفي تحت الإنشاء سنه 26 سنة بدأت رحلته وهو خارج من مقر جريدة اليوم السابع وعند رجوعه للبيت هو ووالده بعد انتهاء المقابلة في المقر قام والده بصدم شاب كان يجري سريعًا لوسط الشارع ومن هنا بدأت رحلة "الطلسم الملعون" (كــوكــتــيــل قــصــص)
بقلم : محمد عباس
حادثة غيرت حياته وحياتي وقلبتهم لجحيم
حادثة ملناش يد فيها أو على الأقل مش قاصدينها
هربنا من عقابها القانوني
لكن اتضحلنا ان في عقاب تاني أبشع وأسخن يمكن عقاب القانون قدامه رحمه ومغفرة بس العقاب التاني كله موت
أنا زين درويش مشروع صحفي تحت الإنشاء وبفشل في كل اختبارات الصحافة لكني مسمي نفسي صحفي برضوا أهو أحسن من عاطل .
سني 26 سنة
والدتي 52 سنة ووالدي 53 سنة
أي حد هيذكر والدي هيقول الله يرحمه
وأنا كمان هقول الله يرحمه
هما بيقولوها عشان بالنسبالهم مات
بس أنا مش بقول يرحمه عشان مات
لا يرحمه عشان بيتمنى الموت ومش طايله
والدي هو بطل الحكاية الأول وأنا البطل الثاني
درويش التهامي غباشة
محامي
قبل اشهار موته خارج أنا وهو من إحدى مقرات اليوم السابع وكان في احتمال يقبلوني
خارجين مبسوطين وبنظرة الأب اللي نفسه يشوف ابنه حاجة
سرح في النظر ليا
وفي نفس الوقت كان في شاب من سني معدي الطريق بيجري من حاجة وبيبص وراه
العربية شالته بسرعة لدرجة اني ملحقتش اشوف حاجة
كل حاجة حصلت في ثانية أو اققل
بابا استوعب وموقفش كمل وبسرعته عشان محدش ياخد النمرة
وقولنا نصيب وانها غلطته انه بيعدي الطريق جري
وافتكرنا الموضوع خلص
في نفس اليوم بليل حلمت ببنت قمر واقفة على صخرة بعيد ومدالي ايديها وبتندهلي لكن أنا كنت متثبت مكاني ومتمسمر
وصحيت على نااار في بطني عذاب ألم شديد كأن حد ماسك سكاكين وبيقطع فيها
قومت نورت النور اللمبة فرقعت
وصوت طلب بينبج في ودني
جريت على الباب فتحته وخرجت
ملقيتش حد موجود في الشقة
لكن في آثار دم من عند باب أوضة بابا
قربت وفتحت الباب لاقيت في دم كتير على السرير لكن مفيش حد
تليفوني رن فتحت لاقيت ماما بتعيط وبتقولي ابوك في الإنعاش جاله نزيف داخلي وحالته وحشة
لبست ونزلت ركبت العربية ومشيت ناحية المستشفى
وطول السكة مش قادر انسى منظر الحادثة ومنظر الدم اللي على السرير
لكن فجأة لاقيت في وشي البنت اللي كانت في الحلم ظهرت قدام العربية اختل توازني وفضلت أجري بالعربية شمال ويمين
ببص جنبي لاقيتها قاعدة على كرسي العربية
صرخت وكنت هتقلب بالعربية بس لحقت نفسي ولاقيتها اختفت
ولاقيت الشاب اللي خبطناه ظاهر في مراية العربية لكن عينيه ووشه كأنهم محروقين وعمال يبرق وعينيه تجيب دم وأنا عمال أصرخ وقفت بالعربية لإني حسيت بوجع تاني في بطني شديد وفي وقت مأنا بتوجع لاقيته اختفى لكن مكان ما قاعد لاقيت موجود بطاقته فيها اسمه وعنوانه "الاسم - رمضان سالم عامر الخلفاوي. العنوان - 19 ش حسن التهامي البساتين - القاهرة"
والوجع اختفى لما الشاب كمان اختفى اتحركت بالعربية بسرعة عشان الحق أبويا وصلت قدام المستشفى .
نزلت وطلعت جري على رقم الأوضة دخلت لاقيت الدكاترة متجمعين وبيعملوله دفع كهربي بجهاز كدا في صدره لإن القلب وقف .
عينيا دمعت وجسمي اترعش من الخوف ومن الاندهاش ومن انعدام الاستعاب للي بيحصل
فاق
والدكاترة قالتلنا خرجوه من المستشفى دا حصله تهتك في بطنه من جوه وتلف في الكبد ومش هيستحمل اكتر من يوم ومن رأيهم انه يموت في بيته أفضل .
انتوا متخيلين الكلام دا نازل عليا ازاي
فعلا اخدناه البيت وكان نص وعيه
فضلت جنبه ودموعي بتنزل عليه وقلبي محروق وخوف ورعب من اللي جاي
نمت في حضنه
حلمت نفس الحلم بس مكانتش بتناديلي انا
نفس البنت واقفة على نفس الصخرة في مكان واسع فاضي مادا إيديها وبتنده على والدي بس هو مكانش متمسمر وثابت مكانه لا دا اتحرك ايديه مربوطة بجنزير حديد مولع وبيتحرك ناحيتها
وقرب ووصلها وركع
وظهر أشخاص كتير أوي نفس شكلها اتجمعوا حواليه
اختفى وسطيهم ومبقاش باين
بدأوا يتفرقوا
لكن مكانش موجود وسطهم
مبقاش ليه أي وجود
أنا عارف الحلم دا غرضه ايه وغرضه يوصلي ايه ايكد قصده ان بابا مات
صحيت ابص عليه وانا خايف من اللي كنت متوقعه
لكن لاقيت أبشع من اللي كنت متوقعه
لكن لاقيت ابشع من اللي كنت متوقعه
انا حاضن جثه الشاب اللي خبطناه وأول ما فتحت عيني اختفى
ووالدي ملوش وجود
خرجت على أمل وجوده برا
أول ما خرجت ماما واجهتني بسؤال بالنسبالها عادي لكن بالنسبالي نزل عليا زي الصفعة
"ابوك عامل ايه دلوقتي"
ارد اقول ايه
اقولها أبويا اختفى
ابويا ملوش وجود ولا بروحه ولا حتى جسمه
اقولها ابويا اتسحب من حضني
انه يموت دا قدر ومكتوب وكان لازم هنواجه اللحظة دي
لكن اختفاؤه دا اللي ميستوعبهوش لا عقل ولا منطق
قفلت الباب بالمفتاح وبصيت لماما وقولتلها كويس بابا كويس ان شاء الله
وسيبتهم ونزلت وأول ما نزلت بدأوا يرنوا علشان افتحلهم الباب يخشوا يطمنوا عليه
عملت التليفون صامت ودورت العربية وأنا مش عارف هروح فين وهعمل ايه
افتكرت بطاقة رمضان عامر الشاب اللي خبطناه بالعربية
طلعت البطاقة اللي موجوده معايا أصلا شيء آخر خارق للطبيعة
روجت ع العنوان اللي موجود في البطاقة
لاقيت في صوان على القد وتسجيل عليه قرآن
قربت وسلمت وقعدت وشربت قهوة ومحدش سألني أنا مين وجاي ليه لكن كله قال ان الميت غالي عليا وجا بسبب اني قاعد مسهم وببكي
لغاية ماجاتلي واحدة ست كبيرة قالتلي انت كنت بتعزه أوي كدا دا انا أمه ومش زعلانه عليه وفرحانه ان ربنا خلصنا من شره رفعت عيني فيها وبصيتلها وقولتلها
"أبويا هو سبب موته وسبب ان ربنا يخلصك من شره بس من الواضح ان شره دا موقفش عندك شره دا شكله كبير"
بصتلي بصه استغراب وقالتلي تعالى يا ابني معايا جوا انت مكانك مش وسط ممثلين الأحزان دول تعالى
دخلت وأنا عندي ذهول من كلامها لكن عندي أمل ان يكون عندها حل الألغاز اللي عماله تكبر وتوسع وتبقى أغرب
دخلنا بيتهم متواضع مش بيت قيم ومش بيت فقير لا بيت عادي ومتواضع
بدأت كلام وبدون مقدمات
"أكيد تعرف تحضير الجن وتحضير الأرواح وتسمع عن الجنية العاشقة"
قولتلها اسمع
"ابني عشقته جنية وعرف دا لما كان في الحمام والنور قطع ولقاها في المراية ماسكة شمعة وقربت منه وقالتله كلام غريب مش مفهوم ابني صرخ صرخة قوية، اتلبس واصبح معشوف من جنية وملبوس من جن راح لشيخ فسرله الموضوع ان الجنية عشفته بسبب وقفته كتير قدام المرايا والتعري كتير في الحمام رمضان فضل يروح لكل الشيوخ والدجالين يشيلوا اللي عليه معرفوش قرر يخش في سكة تانية قال بما ان كدا كدا حياته خربت يبدأ يقرأ في كتب التحضير ويحضر ويسخر وفشل وبطل لكن اللعب معاهم مش حاجة بسيطة ولا تلعب وتبطل بمزاجك اصبح شغلانة اللي حضرهم ومعهدش معاهم انهم يأذوه ويرازوه واللي كان حاجبهم عن موت العاشقة وبدأ يأذي اللي حواليه انت بقى ازاي كنت سبب موته"
بعد فترة من التتنيح لاستيعاب كلامها قولتلها مش انا دا والدي اللي شاله بالعربية وهو ماشي مرووش وعمال يجري ويبص وراه والدي مكانش قصده وحكيتلها اللي حصل كله ..
ردت وقالتلي ابوك مماتش
ابوك روحه اتعلقت وجسمه اترهن من العاشقة اللي بترد موت عاشيقها ومستحيل ترجعه
وبعد نقاش طويل في تبرهن على استحالة عودة والدي
ركبت العربية ومشيت قعدت افكر اعمل ايه طب اوصل للناس اللي حصل ااي
ما هو يا اقول ابويا قاتل عشان يستوعبوا اللي بيحصل يا لازم اتصرف
اخدت بعضي وروحت على اقرب ترب وكانت ترب البساتين اللي كنت عاوز اسأل فيها على شيخ ومحضر اسأله عن الموضوع
الساعة كانت دخلت على 7 بليل
جاتلي ابشع فكرة ممكن اعملها اجاري بيها البلوة اللي حصلت على بال ما ادور على حل لو لاقيت
دخلت للتربي ومش عارف فتحت معاه الموضوع ازاي اني عايز جثه تكون مدفونة قريب
وكنت خايف من رد الفعل اللي هو يا يبلغ البوليس يا يسبلي ويلعني
بكل هدوء قالي كاشك كام يا باشا
وانا بكل قذارة طلعتله 600 جنية
باسهم وحطهم في جيبه
نورلي بالكشاف على تربة وفتحهالي وقالي انزل هنا كانت في ميت هنا اتدفن اول امبارح انزل دور في الأكفان الكفن اللي تلاقيه طري اسحبه واخلع
انا مش عارف ايه اللي بعمله وازاي قدرت اعمل اللي بعمله لكن نزلت فعلاً ريحة الموت حواليا في كل مكان
فضلت احسس بإيدي في الأكفان لغاية ما لاقيت كفت فعلاً طري سحبته من ناحية رجله للباب .
لكن الباب اتقفل
صرخت بصوت علاي جدا شديدة رجت التربة
حسيت بأصوات حواليا كتير
وحد بيحط ايده على كتفي
وأنا زي المشلول
لاقيت عين قدامي في وشي باينة
ميت فتح عينه ووقف في وشي
وصرخ في وشي بصوت تخين جداً
سمعت التربي بيقول ايه الأصوات دي أعوذ بالله وفتح الباب
خرجت وقعت على الأرض
وشد هو الجثة بكفنها وخجرها وقالي خد جثتك وامشي مش ناقصين بلاوي على المسا
حطلي الجثة في شنطة العربية طلعت التليفون لاقيته فصل من كتر الاتصال من امي وعمي
روحت بالعربية جيبت 2 صحابي حكيتلهم في السكة اللي حصل وهما اتكهربوا روحت اشتريت تابوت
اتفقت مع اصحاب انهم مغسلين وان التابوت فاضي
طلعنا وشايلين التابوت في الجثة ورفضت اي حد يخش جوا لان اصلاً مفيش حد جوا
دخلنا وقفلنا الباب اكتر من ساعة وطلعنا بالتابوت وهما زي الهبل صدقوا امي طلعت تصريح الدفن
تصريح الدفن طلعته من غير جثه
كويس ان محدش دقق
اخدنا التابوت وروحنا الترب بتاعتنا دفنا الجثة اللي المفروض انها ابويا
والموضوع خلص
بالنسبالهم
لكن بالنسبالي لسه بيبتدي
ركبت العربية وصلتهم وروحت المدافن في البساتين اسأل التربي على شيخ ومحضر موجود هنا يدلني على اي حل اللي بيحصل
دخلت للتربي وندهت عليه وسألته
قالي الميت اللي انت اخدت جثته كان بيتعامل مع شيخ هنا قريب قبل ما يتعلم التحضير
قولتله يتعلم ايه !!!!!! هي الجثة اللي انا اخدتها دي جثة مين !!!!
قالي جثه واحد اسمه رمضان سالم عامر الله يرحمه مات في حادثة عربية اول امبارح
دونا عن كل الجثث اللي في الترب يا باين المعتوهه رايح تدخلني على مقبرة رمضان سالم اللي مرووش وكله جن وعفاريت قالي ما هو كان الصراحة مرازيني في الترب هنا قولت اوزعه
قولتله دلني على مكان الشيخ اللي كان بيتنيل يروحله
اداني العنوان وروحت المكان الموجود في العنوان اللي مش هقدر أقوله
عبارة عن بيت ارتفاعه عن الأرض متر والباقي لتحت
نزلت 6 درجات لتحت ودخلت
قابلني واحد وشه يقرف الكلب
اسود وعليه غضب ربنا
قالي الدخول 150 جنية مستعجل 350 جنية مستعجل جدًا 600 جنية
اديته 150 جنية
قالي خش مفيش غيرك أصلًا
دخلت
ميفرقش عن اي مشعوذ
خيال كفوف بالضوء الخفيف على الحيطة وبخور وشكله اقرع وعينيه عبارة عن شر اول ما اتحقق مني قالي الطالع بتاعك جامد اوي اللي عليك كتير او اللي طالبه مستحيل
قعدت وحكيتله
قالي رمضان
دا انا اللي روشته لما قالي هبطل قومت عليه شوية حلوين من عندي وظبطوه
قولتله وبعدين
قالي اللي اذاك مش الشوية الحلوين بتوعي اللي اذاك الحلوة بتاعته
مين الحلوة بتاعتة أمه ؟!
"قالي أمه مين يا أستاذ لا انا بتكلم عن العاشقة" معصرة الطلسم الملعون
قولتله انا فهمت الأولى لكن مفهمتش التانية .
قالي "بص هي امسها كدا عشان اللي بيخلص منها لازم يقرأ 12 طلسم وفي الغالب مبيقدرش يخلص نصهم بيقرأ طلسم كل ساعتين مع الطلسم الرابع بتبدأ تحس بألم قوي في جسمك مع الطلسم الخامس بتبدأ تهلوس وتشوف حاجات غريبة ممكن تنيمك اكتر من ساعتين واللي عمتله يروح مع السادس لو وصلتله بيبدأ جسمك فعلياً يتشقق ويخرج منه دم مع السابع بيبدأ رئتينك يضيقوا ونفسك تاخده بصعوبة بالإضافة لكل ألام ومصاعب اللي قبلهم مع الثامن بتظهرلك مرة بشكلها الحلو وشوية بشكلها الحقيقي المرعب الشايط مع التاسع بتبدأ يضعف نظرك بشكل قاسي ولو حافظ الطلاسم مش هتقدر تكمل مع العاشر بتظهرلك هي ومعاها عشيرتها باشكال قذرة ومميته مع الحداشر بيقربوا منك ويضاعفوا كل الأعراض اللي قبلها مع الطلسم الأخير بيخشوا معاك في حرب ياتنتصر وتموتها يا يتجمعوا عليك ياخدوك لعالمهم"
مع الكلمة دي بدأت حاجة تدور في دماغي قولتله هو ممكن يكون ابويا عملت في كدا عشان وصل للطلسم الأخير قالي لا أبوك عملت فيه كدا عشان قتل عشيقها
قولتله طب انا ازاي احفظ الطلسم طب مانا عشان احفظه هقرأه وعشان اقرأه هيحصلي كل اللي انت قولته دا
قالي لااا ما هو متحفظوش كل ساعتين طلسم انت تقرأهم ورا بعض وهما سهلين اللي حد ما وتحفظهم ومش هتحس غير بأعراض الطلسم الأول بس
قولتله ولو انتصرت عليهم ابويا هيرجع
قالي ابوك وناس كتيير اوي هيرجعوا للمكان اللي اتاخد منه بس اقدر اقولك انك مش هتقدر ولا هتستحمل انك توصل للسادس حتى
قولتله انا مش هعيش بهم ابويا يا ارجعه
يا اروحله
هات الطلاسم
اخد 500 جنية واداني 12 ورقة فيهم رسومات غريبة علمني اقرأهم ازاي
اتصرفت في شريطين برشام ترامادول
الترامادول : نوع من انواع المسكن الشديد حباية منه تسهرك يوما كاملًا وتحملك لحمل 100 كيلو جرام لمسافة مش 3 كم وهو مجدول ولا يصرف إلا بروشته من دكتور ويستخدمه الأشخاص كمنبه للسهر ولتحمل الأعمل الشاقة لكنه مضر بالعظام وخصوصاً مع الكميات الكبيرة .
اخدت منه 10 حبات ويمكن دي فكرة مخطرتش في دماغ حد قبلي لتحمل البلاوي اللي هشوفها
وبدأت
"الطلسم الأول : اه اه اه اه اهيا شراهيا نماهيا ادوناي اصباؤت ال شداي شلعجص شليقوش ططكليوش مهلوشخ بهمش هميوش يشهيت شناهش مرططكليوش نافهلم نافغلا تاوت"
قرأته
محستش بألم قوي كان ألم ضعيف جداً ودا تقريباً بسبب المسكن
وصلت للسادس وقرأته
انا شايف جسمي فعلاً بيتشقق والدم بينفر منه وبدأ المسكن يروح خصوصاً ان عدى 12 ساعة اخدي للشريط
مع الطلسم السابع بدأت احس بألم السادس اكثر وبدأت رئتيني يتخنقوا واحس بخنقة وبدأت عيني تزغلل
واشوف نفسي واللي حصلي في المقبرة
وانا بسحب الجثة من رجليها وظهرت المعصرة جنبي والجثة قامت وبصت في وشي وكمان شوفت الجثة لما حطيتها في العربية العاشقة كانت قاعدة في ضهري
واشوف قطة سودة رمت ببؤها البطاقة في كنبة العربية
قرأت الثامن
ظهرتلي
وشها اسود وعينيها حمرا وبتنزل دم
قربت
وصرخت وتقرب وتصرخ تقرب وتصرخ
اخدت الشريط التاني عشان الوجع الزايد حسيت جسمي بيولع وبيتحرق
اخدت 8 حبات على نفس واحد وانا اصلا بتخنق وباخد نفسي بالعافية
بدأت تظهر في الضملة وعينيها تبقى ابشع ونظرتها مخيفة اكتر
قرأت التاسع وانا فعليا بموت والتاسع مفرقش في الأعراض لاني اصلا حافظهم
قرأت العاشر
ظهرت واقفة على الصخرة
ويتجمعوا اشكل قذرة ومقززة
انت متخيل نفسك وانت في غابة وحواليك ما يقرب من 300 جن
وكل طلسم تتأثر بأعراضه مع اعراض اللي قبله ساعتين لغاية ماتضيف عليهم ألم جديد
مش اقدر استحمل المنظر وبشاعته
والأعداد بتزيد
مش قادر اركز
شايف والدي مربوط باحبال وبيتعذب بنار
روح معلقة وجسم في الجحيم
قرأت الحداشر
انا مش بتشقق انا بتفكك وبتفصل من بعضي
وفجأة ضلمة
حاسسهم ورايا وقدامي وجنبي
أيادي بتتحط على جسمي وكلام بيتقال بلغتهم
عيون حمرا بس اللي في الضملة
اصوات صراخ ونواح
طب وبعديم
لما يجي ميعاد الطلسم الأخير هقوله ولا ولا
اقوله وياعالم بحالي دا هقدر انتصر ولا لأ
ولا كفاية واقتنع ان دي النهاية اللي مش هغيرها
ابدى مصلحتي وحياتي
ولا اكمل ايا كانت النتيجة
انت ايه رأيك لو في مكاني وبيحصلك اللي بيحصلي
هتكمل ؟!!!! بالنسبالي هكمل لان دا أبويا وبدأت اقرأ
"مل عاد مل عاد رح مل رح مل عاد كاح عين عين عين الطلسم الأخير نهاية المطاف بانتظارك انحني انحني انحني مل عاد مل عاد مل عاد عشيرة القرود ترملي واهئي وعدي نهايتك بيدك لن يعد امامك سوى النهاية يا من تسمي بمعصرة الطلسم الآخير"
انت منظر اي حجاة غير الضلمة
اي ألم جديد
او حتى قديم
كل شيء اختفى
كل وجع في جسمي اختفى
لكني حاسس بحد مكلبش فيا وايده ملفوفة حواليا
النور بدأ يرجع
المكان دا انا عارفه كويس
دي الغابة اللي كنت بشوفها بدل مانا شايف نفسي فيها بقيت فيها فعلاً
المعصرة واقفة على الصخرة
والملامح الجمليةاللي كلها حلاوة وبراءة مفيش
عبارة عن جن
جن واقف
شعر كثيف وعين سودا وقرون
وفي ضهري منها مكلبشاني
يارب
يااااب
انا افتكرتك متأخر
انا كفرت لما دخلت في سكة الجن والطلاسم والدجالين
كنت المفروض ارجعلم انت الأول
انت الأول والأخر
نجيني انا ووالدي يااارب
احنا ضحايا
حتى رمضان ضحية
يارب لو دا قدري خد روحي متسبنيش للعذاب
متسبنيش للخوف والرهبة والعرب ولاألم
يا منجي يااارب
قربوا أكتر
وشرهم زاد أكتر
بحاوفرهم بينهشوا في لحمي
وجسمي بيتحرق
"اللهم اني اعوذ بك من شرهم من أذيتهم استغيث بك ربي نجني"
دموع الألم اللي في جسمي بتزيد
ومش قادر اخد نفسي وبتخنق
"يارب يارب يارب ياااارب ياااااااارب"
مت
انا مش حاسس بجسمي
لا انا حاسس باللي مكلبشني وحاضني من ضهري
لكن كأن جسمي مخدل ومتبنج
لا مموتش
النور بدأ يرجع
المكان دا انا عارفه كويس
دي اوضة بابا
لفيت لاقيت بابا هو اللي حاضني
فتح عين بنظرة كلها ذل بتوصفلي العذاب اللي شافه اللي اكيد ميجيش حاجة في اللي شوفته
ضميته بحضن ميتوصفش
حضنك لحد بتحبه تعبيرا عن مدى حبك ليه غير حضتك لحد بتحبه كان هيضيه منك وتعبت عشان توصل ليه
باب الأوضة اتفتح
وصخة الفرحة والاندهاش والخوف طلعت من أمي
صرخة متفهملهاش معالم
سيبته يحكيلها عن الي حصل ونزلت الشارع
ضهري وجسمي واجعني بشكل مميت
ركبت العربية وروحت للمشعوذ اللي ادالي الطلاسم افهم منه ايه اللي حصل وقالي
"انت عملت حاجتين جداد اللي نجحوك اول حاجة صبرت وابتكرت الترامدول لتحمل الألم لكن انا وصلت للطلسم الآخير معاها وكان حاميني عشائر من جني لكن برضوا منتصرتش عليهم ومقولتلكش دا عشان محبطكش وتكمل بمكن توصل وانت وصلت لكن موصلتلش بقوتك ولا بقوة الطلاسم تفكيرك في ربنا واستغاثتك بيه هي اللي نهتهم هي اللي جابت أجلهم مفيش جديد في حياتنا
كل حاجة انتهت
اتعالجت من اللي عملع الترامدول في جسمي
وروحت بلغت عن التربي وعن نفسي ورجعوا جثة رمضان مكانها وخرجت بعد 6 شهور حبس
وبدأت الجرايد والصحافة تنشر معلومات عن ناس اختفت من عشرات السنين وظهرت فجأة في مكان اختفائها
واتوظفت في جريدة مش مشهورة اوي بس انا اخترت فيها قسم ما وراء الطبيعة
هبقى صبي نادر فودة وهنشر قصص كتير وهبدأ بقصتي الطلسم المعون وبعد كدا هبدأ في رحلى للكشف عن ما وراء الطبيعة
لكن وعد مني رحلتي تفاصيلها هتنزل ليكوا قبل الجريدة.
تمت
الروابط
آخر قصة : قصة عائشة
صفحة الكاتب : محمد عباس