 |
| وصف جهنم |
وصف جهنم بأبوابها ال 7 وماذا يأكل ويشرب أهل جهنم | كبسولة 11
جهنم أو النار هي أحد مخلوقات الله عز وجل ، وهي اللي هيُعذب فيها الخلق يوم القيامة ، والنار بتاعة يوم القيامة مش هي هي النار بتاعة الدنيا لأ متضحكش على نفسك ، النار بتاعة الأخرة حاجة تانية وهقولك ليه دلوقتي .
ربنا عز وجل أوقد على النار 3000 سنة كل 1000 سنة النار خدت لون وشكل تاني عن اللي قبله ، فأوقد عليها 1000 سنة حتى أحمرت ، وأوقد عليها 1000 سنة حتى ابيضت ، وأوقد عليها 1000 سنة حتى اسودت .
يعني النار سوداء بل شديدة السواد ربنا ما يجعلنا من أهل النار ياااارب .
النار ليها مسميات كتير أو تقدر تقول أبواب أو طبقات :
النار طبقات فوق بعضها ، مش أبواب زي اللي عندنا كدا تتفتح ورا بعضها ، لا طبقات فوق بعضها البعض ، وبعد نزول أهل النار هتتقفل الأبواب دي عليهم حتى يشاء الله إنه يخرج حد من جواها .
- أول طبقة يقال إنه هيعذب فيها أهل التوحيد بالله واللي هيتعذبوا فترة وهيخرجوا منها ، واسم الطبقة دي الـــهـــاوية .قال تعالى : " وأما من خفت موازينه ، فأمه هاوية ، وما أدراك ماهية ، نار حامية " .
- تاني طبقة اللي هيعذب فيها اليهود وتسمى الــســعــيـر ، قال تعالى " وقالوا لو كنا نسمع أو نعقل ما كنا في أصحاب السعير " .
- تالت طبقة واللي هيعذب فيها النصارى ، ودي تسمى الـــجــحــيــم .
- رابع طبقة ودي اللي هيعذب فيها الصابئين ، وتسمى ســقــر : قال تعالى : " يوم يسبحون في النار على وجوههم ذوقوا مس سقر " .
- الطبقة الخامسة هيعذب فيها المجوس ، وتسمى الــحــطــة ، وبيقولوا عليها إنها بتحطم العظام وبتاكل اللحم حتى تهجم على القلب ، قال تعالى : " كلا لبنبذن في الحطمة ، وما أدراك ما الحطمة ، نار الله الموقدة " .
- الطبقة رقم 6 هيعذب فيها المشركين ، وتسمى لــظــى ، قال تعالى : " كلا إنها لظى ، نزاعة للشوى ، تدعو من أدبر وتولى " .
- الطبقة الأخيرة جــهــنــم، ودي هيعذب فيها المنافقين ، قال تعالى : " إن الله جامع المنافقين والكافرين في جهنم جميعا " .
والله أعلى وأعلم طبعًا .
وصف شكل العذاب في النار
ويوم المحشر ربنا هيأمر الملائكة إنهم يحضروا جهنم ، فهيجرهها ب 70.000 زمام والزمام دا اللي كانوا بيحطوه في أنوف البعير عشان يشدوهم بيها ، ومع كل زمام 70.000 ملك بجد المنظر لو تخيلته هتقشعر ، فالكافر هيشوف النار دي كأنها سراب فهيظن إنها مياه ، فهيروح ناحيتها وينط فيها ، وطبعًأ في أرض المحشر دا هيبقى أصعب أيام يوم القيامة .
طعام الناس في جهنم هيكون من أسوء أنواع الأطعمة ومنها شجرة الزقوم ، وهي شجرة بتضرب جذورها قعر النار ، وفروعها بتمتد حواليها ، والثمرة بتاعتها تشبه رؤوس الشياطين ، وبالرغم من كدا أهل النار هياكلوا منها وهتغلي في بطنهم أكنها زيت بيغلي .
وهياكلوا برضوا الضريع ودا من نوع الشوك موجود في أرض الحجاز وبيسمى الشبرق .
مأكل ومشرب أهل النار
- اول حاجة الحميم ودا زي مبنقول دلوقتي مشروب الضيافة بتاعهم في النار ، وهو عبارة عن مياه مغليه شديدة الحرارة ، هيشربوها زي مالإبل بتشرب المياه ومبترتويش بسبب مرض معين ، والحميم دا هيخش بطنهم يقطع في أمعائهم .
- تاني حاجة الغسلين والغساق ، وهي عصارة أهل النار يعني اللي بيسيح من جلودهم من قيح وصديد ، ويقال إنه اللي بيسيل من فروج النساء اللي بيزنوا .
- وتالت حاجة المهل وهو الزيت المغلي .
والله أعلى وأعلم
ملبس أهل النار
أهل النار لبسهم كله من النار والقطران ، والقطران هو النحاس المسال شديد الحرارة ، أما بالنسبة لفرشهم من النار برضوا واللحاف بتاعهم من النار ، والظل اللي فوقيهم وتحتهم من النار ، والناس هتحيي بعضها البعض بدل السلام عليكم هيتسابوا ، يعني هيسبوا بعض ويشتموا بعض ، بل وكمان هيدعوا على بعض .
فيديو | عذاب النار في 150 ثانية
دعمكم لينا هيفرق معانا ، اترك بصمتك كقارئ .
