 |
| وفاة الرسول عليه الصلاة والسلام |
قصة النهاردة ممكن يكون البعض عارفها والبعض التاني سمع عنها وبعضكم ممكن ميبقاش سمع عنها ، وهي قصة يوم وفاة الرسول صلى الله عليه وسلم .
اليوم دا مكنش عادي زي أي يوم ، ويمكن دا أسوء يوم مر على البشرية كلها ، وفي ناس مكنتش مصدقة وفاة الرسول عليه الصلاة والسلام ، ومن الناس دي عمر بن الخطاب رضي الله عنه .
لدرجة إنه رفع سيفه وقال (( من قال أن محمدًا مات قد ضربته بسيفي )) ، وكان بيقول للناس إنه رفع إلى السماء زي سيدنا عيسى عليه الصلاة والسلام .
وأبو بكر الصديق لما دخل على النبي وكشف عن وجهه ، قبله ، وخرج للناس وأخبرهم بموت الرسول صلى الله عليه وسلم ، وقال لهم الآيه الكريمة قال تعالى : " وما محمد إلا رسول قد خلت من قبله الرسل أفإن مات أو قتل انقلبتم على أعقابكم ومن ينقلب على عقبيه فلن يضر الله شيئًا وسيجزي الله الشاكرين " صــدق الله الــعــظــيــم .
وأبو بكر الصديق بعد ما شاف اللي عمر بيعمله وإنه بقى يهدد بقتل الناس عشان بيقولوا إن سيدنا محمد مات ، فخرج وقال خطبته الشهيرة ، وبعدها قال الجملة الشهيرة اللي أغلبكم سمعها ، فقال : " من كان يعبد محمدًا صلى الله عليه وسلم فإن محمدًا قد مات ، ومن كان يعبد الله فإن الله حي لا يموت " ، وبعد خطبته رضي الله عنه الناس اقتنعت خلاص وعمر بن الخطاب هدي وكل وبدأت الناس تبكي لإن الخبر وقتها زي الصاعقة بالنسبالهم .
وهنا بقى ننتقل ل ...
أسباب تأخر دفن الرسول صلى الله عليه وسلم
كان يوم وفاة الرسول صلى الله عليه وسلم ودي معلومة سريعة كدا احفظها يمكن حد يسألك فيها يوم من الأيام ، كان يوم 12 ربيع الأول 11 هجريًا ، وقال أنس بن مالك الغريب في الأمر إن الصحابة دفنوا الرسول يوم الأربعاء بالرغم وفاته يوم الاتنين ، وكان من المعروف وقتها إكرام الميت دفنه .
طب ايه هي الأسباب اللي خلت الصحابة تعمل كدا ، رغم معرفتهم بمقوله " إكرام الميت دفنه " ، وإن دا مش أي جسد ، لأ دا جسد خاتم الأنبياء محمد عليه الصلاة والسلام .
أول سبب : الصحابة رضوان الله عليهم كان عارفين إن جسد النبي عليه الصلاة والسلام مش هيتحلل ، ودا لأن ربنا سبحانه وتعالى حرم تحلل جسد كافة الأنبياء عليهم الصلاة والسلام ، ودا يفسرلك ليه حصلت محاولات لسرقة جسد النبي كذا مرة .
تاني سبب : إن الصحابة كانوا مش متفقين على مكان دفن النبي صلى الله عليه وسلم ، وكل واحد عايز يدفنه في مكان غير التاني ، لغاية مأبو بكر الصديق رضي الله عنه جه وحسم الأمر بقوله إنه سمع رسول الله صلى الله عليه وسلم وهو بيقول إن الأنبياء يجب أن يدفنوا في مكان موتهم ، عشان كدا الرسول دُفن في حجرة زوجته السيدة عائشة رضي الله عنها .
تالت سبب : والسبب التالت والغريب واللي أمر بيه الرسول صلى الله عليه وسلم ، ألا وهو إنه ميتمش الصلاة عليه بتاتًا ويخش مجموعة من الأفراد يصلوا عليه ويخرجوا ، يعني صلوا عليه أفراد وليس مجموعات ، والرسول عليه الصلاة والسلام كان ليه حكمة من كدا هو لوحدوا يعرفها .
والسبب الرابع برضوا والغريب : إن الصحابة كانوا مش عارفين يغسلوا النبي ازاي ، لغاية منزل عليهم صوت من السماء يقول لهم بأن يغسلوه في ملابسه ، ودا كان آخر سبب من ضمن تأخر دفن النبي عليه الصلاة والسلام .
لحظة وفاة النبي صلى الله عليه وسلم
جلس ملك الموت عند رأس المصطفى ثم نادى على أطهر روح وأشرف روح وقال : " يا أيتها النفس المطمئنة ارجعي إلى ربك راضية مرضية فادخلي في عبادي وادخلي جنتي أيتها الروح الطيبة أخرجي إلى مغفرة من الله ورضوان ورب راضي عليك غير غضبان وهنا صعدت أطهر روح إلى الله "
مات المصطفى محمد مات رسول الله خير خلق الله محمد ، فــبــكــى الصحابة .
وكدا نكون جاوبنا على سؤال لماذا دفن سيدنا محمد بعد موته ب 3 أيام .
متنساش دعمك لينا ، شير لينك المقالة وانشر الفائدة معانا .