 |
| ليه بننسى ؟! |
كوكتيل قصص
Founder
ليه بننسى وازاي الذكريات بتتشكل في الدماغ ، كل واحد فينا معرض للنسيان واحيانا الحاجة اللي بننساها بتكون في منتهي الاهمية ومهما حاولنا ما بنعرفش نفتكرها مرة ثانية. وممكن حياتنا الدراسية او العملية تتاثر بسبب النسيان لحد كبير. والعجيب بقي اني لو طلبت منك دلواقتي انك تفتكر ذكري عزيزة عليك من عشرات السنين ممكن تفتكرها بسهولة وتحكي احداثها بالتفاصيل لكن لو سالتك كلت اي من اسبوعين مش هتفتكر.
طب يا تري بنقدر نفتكر عدد من ذكرياتنا بوضوح في حين ان بعضها الاخر بيتلاشي تماماً من الدماغ . سواء كان حدث قريب زي مثلا هو انا حطيت الريموت فين او حدث بعيد نسبيا زي حاجة ذاكرتها الترم الي فات .
الاجابة علي سؤال احنا ليه بننسى بتتمثل في امرين .
الامر الاول ان الذكري تكون مختفية من الدماغ تماماً وملهاش اي اثر .
والامر الثاني ان الذكري تكون لسه موجوده في الدماغ لكن لسبب ما مش قادر تسترجعها مره ثانية والأمرين دول بيلخصوا النظريات الرئيسية للنسيان واللي وضعها علماء النفس وعلماء العلوم العصبية .
وقبل ما نتعرف علي بعض النظريات دي ونفهم السبب وراء تعرضنا للنسيان باستمرار لازم نعرف الاول الذكريات بتتشكل ازاي في الدماغ .
ازاي الذكريات بتتشكل في الدماغ .
في البداية لازم نستوعب إن عملية تشكل الذكريات وتخزينها جوه الدماغ بتحصل في الاساس بصورة تلقائية ومش بالضرورة تكون معتمده . يعني في الوقت اللي بتكون فيه في المدرسة او بتاخد كورس وبتحاول انك تبذل مجهود كبير علشان تستقبل المعلومة بشكل كامل وصورة واضحة علشان تقدر تسترجعها بعد كدة .
فانت فعليا وبدون قصد منك بتشكل مجموعة من الذكريات من اشياء ومواقف حواليك بصورة تلقائية ، وحتي لو كانت الذكريات دي غير مهمة بالنسبالك . او بمعني اصح مش هيفرق معاك سواء افتكرتها أ, مفتكرتهاش . والعملية دي بتحصل في الدماغ عن طريق مجموعة من انظمة الذاكرة ومليارات الملايين من الخلايا وعمليات الاتصال .
طيب يا تري ازاي المشهد او الكري بتتشكل جوه دماغنا . لما بنمر باي تجربة وليكن بنتعرف علي حد لاول مرة . المشهد دة بيتحول في الدماغ لنبضة من الطاقة الكهربائية بتتحرك النبضة بسرعة كبيرة داخل شبكة من الخلايا العصبية موجودة جوة الدماغ .
وبتستقر في حاجة معروفة باسم الذاكرة قصيرة الامد . وهي ذاكرة السعة بتاعتها قليلة ومش بتخزن كم كبير من الاحداث . وفيها بتكون المعلومة في حالة نشطة ومتاحة بالنسبالك انك تقدر ترجعها لمده محدوده من الزمن .
HIPPOCAMPUS .
وبعدها بفترة بتنتقل المعلومة مرة ثانية من الذاكرة قصيرة الامد للذاكرة وطويلة الامد وهي ذاكرة السعة بتاعتها اكبر والذكري فيها متاح استرجاعها ولو بعد مدة طويلة . والانتقال من الذاكرة القصيرة الأمد للذاكرة طويلة الامد بيحصل في مناطق في الدماغ زي HIPPOCAMPUS .
وموجود منه اثنين علي جانبي الدماغ وبيلعب دور اساسي في عملية دمج المعلومات من الذاكرة قصيرة الأمد للذاكرة طويلة الامد . ومنه ناخد بالنا ان سبيلك لحفظ المعلومة او الذكري وتخزينها علي المدي الطويل مرهون بشكل كبير ب مدي كفاءه عمليات الاتصالات الموجودة في دماغك انت .
وهي العملية اللي بتحصل بين الخلايا العصبية باستخدام ناقلات في مواقع مخصصة اسمها نقاط التشابك العصبي . الأبحاث اثبتت ان مدي قوة الاتصال بين الخلايا العصبية دي بتتغير وبتختلف من شخص للثاني . وانه في حال تواصل اثنين من الخلايا العصبية دة بصورة مستمرة ومتكررة بنتزيد كفاءة الاتصال ما بينهم مع الوقت . وده بيسهل تخزين المشاهد في الذاكرة طويلة الامد وبتسهل علي الشخص انه يسترجعها والعملية دي بيطلق عليها في العلوم العصبية اسم التقييد طويل الامد وهي واحدة من اهم الاليات الرئيسية اللي بتقوم عليها الذاكرة وعملية التعلم .
نظرية الاضمحلال .
توصل العلماء والباحثين الى عدد من النظريات المتعلقة بالنسيان وتلاشي الذكريات واحدة من النظريات دي هي نظرية الاضمحلال . ونظرية الاضمحلال بتقترح ان الذكري بتسيب اثر في الدماغ ومع مرور الوقت الأثر دا بيختفي .
وتصبح المعلومة او الذكرى دي مش موجودة والنظرية بتفسر السبب وراء اختفاء الأثار بمحدوديته قصيرة المدي . وانها ما عندهاش المقدرة علي تخزين المعلومة غير لمدة زمنية بسيطة جدا بتتراوح من 15 ل 30 ثانية وبس . وبعدها بيضحل مسار الذكرى تماماً الا في حاله واحدة وهي انك تراجع المعلومة قبل انتهاء الفترة دي وعلشان نبسط المسالة .
خلينا نضرب مثال نفترض انك بتحاول تفتكر رقم تليفون حد من صحابك بعد ما سجلته علي تليفونك بدقائق . غالباً هتكتشف انك مش قادر تسترجع الأرقام كلها . لكن لو بعد ما سجلت الرقم بثواني بس ورددت الرقم مرة واتنين وتلاتة سهل انك تحفظه .
وقتها هينتقل للذاكرة طويلة الامد وهيثبت في دماغك علي طول . وده معناه ان حفظك لأي معلومة مهما يكون تصاميمها قبل كده معتمد علي مراجعتك ليها . لكن بقي نظرية الاضمحلال دي بتربط مسالة النسيان بالوقت فقط لا غير . وتحديداً التاخير اللي بيحصل ما بين تعلم المعلومة واسترجاعها مرة ثانية. وبالرغم من اننا كلنا متفقين علي النقطة دي الا ان النظرية بتغفل عوامل ثانية . ممكن هي كمان تاثر على ضياع المعلومة غير الوقت ومن العوامل دي .
تداخل احداث وتجارب جديدة في الفترة اللي بنحاول فيها اننا نسترجع معلومة قديمة من الدماغ . دة غير اختلاف قدرات كل واحد فينا علي التحكم في مسالة تداخل الاحداث الجديدة مع القديمة . لكن علي العموم اللي نقدر نخرج بيه من النظرية دي . ان مراجعتنا للمعلومة سريعا بعد تعلمها عامل ضروري في مساعدتنا علي حفظ المعلومة وتثبيتها في الدماغ .
نظرية الازاحة .
واحدة ثانية مع النظريات اللي بتدرس مسالة النسيان بتركز برضة علي الذاكرة القصيرة الامد وعلى محلولية ساعتها التخزينية . وهي نظرية الازاحة والنظرية دي بتقترح ان مع امتلاء الذاكرة قصيرة الأمد المعلومات الجديدة بتستبدل المعلومات القديمة الموجودة في الذاكرة وبتدفعها لخارج الذاكرة وتحل محلها .
واقدم معلومات موجودة في الذاكرة قصيرة الأمد هي اول معلومات بتستبدل وتطرد من الذاكرة و فكرة النسيان في النظرية دي ان المعلومات اللي موجودة في الذاكرة قصيرة الأمد ملحقتش تاخد وقتها الكافي علشان تنتقل للذاكرة طويلة الأمد.
ومع مرورك بتجارب معلومة جديدة كل شوية مساحة التخزين عندك بتتملى اول باول . فحتي اقدم المعلومات اللي موجودة عندك في الذاكرة قصيرة الامد مبتلحقش تكون وصلت للمرحلة التنتقل فيها للذاكرة طويلة الامد .
نظرية التداخل .
واحدة ثانية من النظريات المثيرة في ما يخص عملية النسيان هي نظرية التداخل . والنظرية دي بتقترح ببساطة الذكريات المسجلة في الدماغ بتتنسي اما بسبب تداخلها مع بعضها البعض او اعاقتها لبعضها البعض .
والتداخل دا نوعين النوع الاول هو التداخل الاستباقي او Proactive interference وبيحصل لما مبتقدرش تتعلم معلومة جديدة . بسبب ان المعلومة القديمة الي تعلمتها مأثرة علي تشكيل الذكرى الواضحة للمعلومة الجديدة اللي بتحاول تتعلمها .
وثاني نوع من انواع التداخل هو التداخل الرجعي او Retroactive Interference واللى فيه بيتاثر المعلومة الجديدة علي القديمة . وعادة بيحصل التداخل الاستباقي او التداخل الرجعى في حال كانت الذكريات او المعلومات متشابهة مع بعضها البعض . زي مثلا انك تحاول تحفظ رقم تليفون مشابهة لرقم تليفون انت حافظه بالفعل . ساعتها ممكن تنسي القديم وتحفظ الجديد او تفضل فاكر القديم وما تقدرش تحفظ الجديد .
التقدم بالعمر سبب في قلة حدة التركيز والنسيان .
وبخلاف النظريات الموضوعة عن النسيان هتلاقي ان فيها عوامل ثانية بتلعب دور رئيسي باعتبارها سارق للذكريات . من اهم العوامل دي التقدم في العمر فمع تقدمنا في العمر بتبدا نقاط الاشبتاك العصبي تفقد قوتها مع الوقت . وعمليات الاتصال بين الخلايا العصبية بتبدا تضعف والسبيل للتصدي للمشكلة دي بتتمثل في مراجعة المعلومات والاحداث اول باول .
لكن مع ذلك في عوامل مصاحبة لكبر السن مالناش أي يد فيها . فحجم الدماغ نفسه اللي بيحصل فيه العمليات المقعدة دي كلها بينكمش كل ما الواحد يتقدم في العمر .
بيفقد 5% تقريبا من خلاياه العصبية كل 10 سنين دة غير انخفاض HIPPOCAMPUS وال انتاج النواقل العصبية اللي زي الأسيد كولاين . واللي يعتبر عنصر اساسي في عملية الاتصال بين الخلايا العصبية . وطبعا الامراض الجسدية اللي بتهاجم الانسان مع تقدم العمر بعضها بيكون له تاثير علي مدي قوة التركيز وتشكيل المشاهد في الذاكرة.
الاجهاد المفرط يخليك تنسي .
ضيف علي كدة كمان الاجهاد المزمن بيسبب مشاكل كبيرة للذاكرة سواء لكبار السن او البالغين لما بنزهق نفسنا باستمرار في شغل او مع المشاكل اللي بنواجهها في حياتنا بصورة مستمرة اجسادنا بتكون في حالة استعداد ويقظة مستمرة . لكن حالة اليقظة المستمرة دي بتؤدي لخسارة خلايا الدماغ وعدم القدرة علي تشكيل خلايا جديدة .
هل الاكتئاب عامل من عوامل النسيان وعدم التركيز .
والعملية دي من اهم الاسباب اللي بتاثر علي قدرتنا في الاحتفاظ بالمعلومات ، وفي كمان عامل الاكتئاب واللي بعتبر واحد من العوامل المؤثرة جدا علي الذاكرة فالاشخاص اللي بيعانوا من الاكتئاب اكثر عرضه لمشاكل الذاكرة عن باقي الناس بنسبة تقدر ب 40% .
ده غير ان الاكتئاب يؤدي لانخفاض معدل السيروتونيك في الجسم واللي بيعتبر ناقل عصبي مرتبط بالاثارة وبيخلى الشخص معندوش اي اهتمام بالتعلم او التعرف علي معلومات جديدة .
أبرز الطرق للقضاء علي النسيان وتقوية الذاكرة .
واخيرا من السهل اننا نقوي الذاكرة باكثر من طريقة منها زي ما تكلمنا مراجعة المعلومة اول باول والمحافظة علي الانشطة البدنية لان زيادة تدفق الدم للدماغ امر مفيد للحالة الذهنية بصفة عامة ، وكمان تناول الطعام الصحي وامداد الجسم بالعناصر الغذائية الازمة امر ضروري لعمل الدماغ بشكل فعال .
اهم حاجة تضرب عقلك باستمرار زي ما العضلات بتحتاج تمرين عشان تكون اقوي ، العقل كمان بيحتاج يتمرن علشان نقدر نرفع من قدراته وده ممكن تعمله عن طريق القراءه والانفتاح للمعرفة زي انك تتعلم لغة جديدة .